30 январь куни Ўзбекистонда коронавирус инфекциясини юқтирганлар сони яна 1089 нафарга кўпайди. 203 нафар кишида пневмония аниқланди, дея хабар бермоқда ССВ. Шанба куни 1104 киши вирус юқтиргани айтилган эди.
Вазирлик ҳозирда соғайиш кўрсаткичи 94 фоизга тушганини маълум қилди. Кеча аниқланган касалларнинг энг кўпи, 472 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Фото:ССВ
Сўнгги ҳафтада мазкур касалликни юқтирганлар сони бироз камайди. Хусусан, энг кўп зарарланиш 22 январда (1478 нафар) кузатилган бўлса, шундан бери кассаллар сони нисбатан камаймоқда. Ҳозирга келиб, Ўзбекистонда коронавирус инфекцияси қайд этилганлар сони 223008 нафарни ташкил этмоқда.
️Шунингдек, 30 январь куни 3 нафар коронавирусга чалинган бемор вафот этиб, касалликдан вафот этганлар сони 1564 нафарни ташкил қилмоқда.
