10 декабрь куни Ўзбекистонга Россиядан 200 минг доза янги турдаги вакцина — Sputnik Light келтирилди, деб хабар бермоқда ССВ матбуот хизмати.
Қайд этилишича, ҳозирда Ўзбекистонда коронавирусга қарши қўлланилаётган вакциналар тури еттитага етган.
Sputnik Light бир компонентли вакцина бўлиб, у билан тўлиқ эмланиш учун бир дозасини олиш кифоя. ССВнинг маълумотига кўра, аввалроқ Ўзбекистонга ушбу вакцинанинг 7 500 дозаси олиб келинган.
Шундай қилиб, Ўзбекистонда фойдаланилаётган вакциналар дозаси 48 миллион 36 минг 368 тани ташкил қилмоқда.
Улардан:
- 2 404 480 дозаси AstraZeneca;
- 36 789 938 дозаси ZF-UZ-VAC2001;
- 1 341 790 дозаси «Sputnik V»;
- 3 000 060 дозаси Moderna;
- 2 316 600 дозаси Pfizer/BioNTech;
- 1 976 000 дозаси Sinovac;
- 207 500 дозаси Sputnik Light вакцинасидир.
Маълум қилинишича, вакциналарнинг 35 610 274 дозаси (74,1%) эмлаш жараёнларида қўллаб бўлинган.