27 октябрь ҳолатига кўра, Ўзбекистонда 176 минг 791 нафар 12 ёшдан 18 ёшгача бўлган болалар Pfizer вакцинаси билан ихтиёрий равишда эмланган, деб хабар берди ССВ.
Болаларни коронавирусга қарши эмланишнинг юқори кўрсаткичлари Фарғона (37 395 доза), Наманган (34 479 доза), Андижон (22 502 доза) вилоятларида қайд этилган.
Эслатиб ўтамиз, Бош давлат санитария врачи ва миллий техник иммунологик эксперт комиссиясининг қарорига асосан, 28 сентябрдан бери Ўзбекистонда 12 ёшдан катта болаларни ота-оналар ва васийларининг розилиги асосида, ихтиёрий равишда Pfizer вакцинаси билан эмлаш ишлари бошланган.
ЖССТ томонидан ҳам 12 ёшдан юқори болаларни ва ўсмирларни Pfizer вакцинаси билан эмлаш тавсия этилган.
18 октябрь куни АҚШ Ўзбекистонга 526,5 минг доза Pfizer вакцинасиниюборган эди. 25 октябда эса яна 273 минг 780 дозаси қабул қилинди.
