28-октябрь куни Санкт-Петербургда Ўзбекистон энергетика вазири Алишер Султонов ва «Газпром» бош директори Алексей Миллер ўртасида ишчи учрашув бўлиб ўтди, деб хабар берди Энергетика вазирлиги матбуот хизмати.
Музокаралар чоғида Энергетика вазирлиги, Ўзбекистон Давлат геология ва минерал ресурслар қўмитаси ва «Газпром» ОАЖ ўртасида имзоланиши режалаштирилган Стратегик шериклик тўғрисидаги битим доирасидаги ҳамкорликни янада ривожлантириш масалалари муҳокама қилинди.
Томонлар ўзаро ҳамкорлик масалаларини, жумладан, Ўзбекистон конларида газ қазиб олиш бўйича қўшма лойиҳаларни ҳам муҳокама қилдилар.
2020 йил январь ойида Энергетика вазирлиги сўнгги икки йил ичида «Газпром» мутахассислари бешта инвестиция блоклари, жумладан Чегара-Тагман, Чинобод, Узункуин, Коссор, шунингдек Бухоро-Хива бўйича геологик материалларни ўргангани ҳақида хабар берган. Кейин вазирлик «Газпром»дан янги блокларда биргаликда қидирув ишлари бўйича қарор қабул қилишни тезлаштиришни кутишларини таъкидлаган.
