«газпром» тегли мақолалар
Ўзбекистон Россиядан газ импортини 2024 йилда уч баравар оширишни режалаштирмоқда
Ўзбекистон ҳукумати 2024 йилда Қозоғистон орқали Россия гази импортини уч баравар оширишни режа қилмоқда, деб ёзмоқда «ТАСС».
Ўзбекистон Россия гази импортини ошириш учун 500 млн доллар ажратишни режалаштирмоқда
Ўзбекистон ҳукумати «шимолдан» газ импорти ҳажмини ошириш учун магистрал газ тизимини 500 млн долларга модернизация қилмоқчи. Ўзбекистон ҳозирда бу йўналиш орқали Россия газини олади. Етказиб бериш ҳажмини кунига 9 млн куб метрдан 32 млн куб метргача ошириш режалаштирилган.
Россия Ўзбекистон сўровига асосан газ етказиб беришни икки баравар оширди — «Газпром» раҳбари
«Газпром» компанияси кучли совуқ фонида Тошкент сўровига кўра Ўзбекистонга Россия газини етказиб бериш ҳажмини икки баравар оширди, деди холдинг раҳбари Алексей Миллер. Унинг сўзларига кўра, «Марказий Осиё — Марказ» газ қувури орқали «техник имконият жиҳатидан максимал ҳажм» етказиб берилмоқда.
Ўзбекистонга газ етказиб берилиши Россиядаги газ қувурларига босимни оширди
Ўзбекистонга газ етказиб бериш бошланиши билан «Газпром» Россия газ транспорти тизимидаги оқимларни қайта конфигурация қилиш, шунингдек, мамлакатдаги ерости газ сақлаш тизими ишини қайта кўриб чиқишга мажбур бўлди, деди «Газпром ПХГ» бош директори Игорь Сафонов.
Ўзбекистон Россиядан 300 млн куб метрга яқин газ импорт қилди
«Газпром» билан тузилган шартномага кўра, 7 октябрдан бери Ўзбекистон Россиядан 300 млн куб метрга яқин газ импорт қилди, деди энергетика вазири Жўрабек Мирзамаҳмудов. У импорт қилинган «мовий ёқилғи» нархини яна ошкор қилмади.
Россия, Қозоғистон, Қирғизистон ва Ўзбекистон 15 йиллик газ шартномаси тузиши мумкин
2024 йил ўрталарига қадар Россия, Қозоғистон, Қирғизистон ва Ўзбекистон 15 йил давомида газ етказиб бериш ва транзит бўйича ҳамкорлик мажбуриятларини белгилашни режалаштирмоқда, деди «Газпром» раҳбари Алексей Миллер. Компания улардаги бошқа газ қувурлари тизимидан фойдаланишга тайёрлигини билдирди.
Ўзбекистон ва «Газпром» энергетика соҳасида ҳамкорлик бўйича стратегик меморандумни имзолади
Ўзбекистон ва Россиянинг «Газпром» компанияси ўртасида стратегик меморандум имзоланди. Унга кўра, газ таъминоти ва ташиш, шунингдек, углеводородларни геология-қидириш ҳамда қазиб олиш соҳасида ҳамкорликни ривожлантириш режалаштирилмоқда.
Уч давлат президентлари Россиядан Қозоғистон орқали Ўзбекистонга газ етказишга старт берди
Шавкат Мирзиёев Москвада Қосим-Жомарт Тоқаев ва Владимир Путин билан биргаликда Россия табиий газини Қозоғистон ҳудуди орқали Ўзбекистонга етказиб беришни бошлаб берди. Икки йиллик шартнома йилига 2,8 млрд куб метр газ етказишни назарда тутади.
Путин — Ўзбекистонга Россия газини етказиб беришни бошлаш муддати ҳақида
Россия президенти Владимир Путин Россия газининг Ўзбекистонга етказиб берилиши кутилаётган муддатга изоҳ берди. Унинг айтишича, тўлиқ етказиб бериш октябрь ойидан ҳозирча «кичик ҳажмда» бошланади. «Биз йилига 3 млрд кубометр етказиб берамиз, кейин эса кўпайтиришимиз мумкин», — дея қўшимча қилди у.
Россия Ўзбекистонга йилига 2,8 миллиард куб метр газ етказиб беради
Ўзбекистон Энергетика вазирлиги «Газпром» билан газ келишуви тафсилотларини эълон қилди. Ҳужжат икки йилга тузилган, етказиб бериш ҳажми кунига 9 миллион куб метрни, йиллик ҳажм деярли 2,8 миллиард куб метрни ташкил этади. Аввалроқ «Коммерсант» ҳажм бундан икки баравар кўпроқ бўлиши ҳақида ёзганди.
ОАВ: Россиядан Ўзбекистонга йилига 6 млрд куб метр газ етказиб берилиши мумкин
Янги шартнома бўйича Россиядан Ўзбекистонга қувур орқали қарийб 6 млрд куб метр газ етказиб берилади, деб ёзмоқда «Коммерсантъ». Таҳлилчиларга кўра, «Газпром» гази Ўзбекистонга ўз эҳтиёжларини қондириш имконини беради, бироқ Хитойга газ экспорти бўйича шартномани бажариш учун етарли бўлмайди.
Қозоғистон 2024 йилда Россиядан Ўзбекистонга газ етказиб беришга тайёр бўлади
Қозоғистон энергетика вазири Алмасадам Саткалиевнинг айтишича, 2024 йилги куз-қиш мавсумида мамлакат инфратузилмаси Россия газини Ўзбекистонга транзит қилиш учун тайёр бўлади. Унинг сўзларига кўра, Ўзбекистон ва «Газпром» ўртасида газ ҳажми ҳамда нархи бўйича музокаралар ҳамон давом этмоқда.
Ўзбекистон ва Қозоғистон энергетика вазирлари «Газпром» раҳбари билан учрашув ўтказди
Ўзбекистон ва Қозоғистон энергетика вазирлари ҳамда «Газпром» раҳбари Санкт-Петербургда йиғилиш ўтказиб, газ соҳасида уч томонлама ҳамкорликни муҳокама қилди.
«Суверенитетимизга қандайдир таҳдид йўқ» — Энергетика вазирлиги «Газпром» билан имзолаган «йўл харитаси» ҳақида
Ўзбекистон Энергетика вазирлиги Россиянинг «Газпром» компанияси билан газ саноати соҳасида ҳамкорлик бўйича имзолаган «йўл харитаси» бўйича тушунтириш берди. «Бунда газ транспорт тизими кимгадир берилиши ёки суверенитетимизга қандайдир таҳдид умуман йўқ», — дейилади хабарда.
Ўзбекистон ва «Газпром» ўртасида газ соҳасида ҳамкорлик бўйича «йўл харитаси» имзоланди
Ўзбекистон Энергетика вазирлиги ва Россиянинг «Газпром» компанияси газ саноати соҳасида ҳамкорлик бўйича «йўл харитаси»ни имзолади. Бундан бир ҳафта аввал Газпром Қозоғистон билан ҳам шундай ҳужжат имзолаган эди.
Қозоғистон ва Россия газ етказиб бериш бўйича «йўл харитаси»ни имзолади
Қозоғистон бош вазирининг биринчи ўринбосари Роман Скляр ва «Газпром» раҳбари Алексей Миллер Қозоғистонга Россия газини етказиб бериш бўйича «йўл харитаси»ни имзолади.
Туркманистон Ўзбекистонга газ экспортини вақтинча тўхтатди, етказиб бериш қайта тикланиши керак
Туркманистон совуқ об-ҳаво туфайли юзага келган техник сабабларга кўра 12 январдан бошлаб Ўзбекистонга газ экспортини тўхтатди. Яқин вақт ичида газ етказиб бериш қайта тикланиши кутилмоқда. «Газета.uz» шунингдек, Россия билан газ бўйича музокаралар олиб борилишини аниқлади.
«Ўзбекнефтгаз» Jizzakh Petroleum компанияси таъсисчилари сафидан чиқди
«Ўзбекнефтгаз» Jizzakh Petroleum компанияси таъсисчилари сафидан бутунлай чиқди. Бунгача қўшма корхонанинг 49 фоиз улуши «Ўзбекнефтгаз»га тегишли эди.
«Газпром» билан янги стратегик ҳамкорлик шартномасини имзолаш режалаштирилмоқда
Ўзбекистон Энергетика вазирлиги, Давлат геология қўмитаси ва «Газпром» ўртасида стратегик шериклик тўғрисидаги шартнома имзоланиши режалаштирилмоқда.
Европада газ нархлари кескин пасайди. FT буни Путиннинг энергетика масалалари юзасидан қилган чиқиши билан изоҳлади
7 октябрь куни газ фючерслари нархи кескин — 22 фоизга пасайиб, минг кубометр учун 1000 доллардан камроқни ташкил қилди. Financial Times нашри газ нархлари қулашини Россия президенти Владимир Путиннинг энергетика масалалари юзасидан қилган чиқиши билан боғламоқда. RT нашрига кўра, экспертлар Европа газ бозоридаги вазият вақт ўтиши билан мувозанатга келиши мумкинлигига ишонч билдирмоқда.
Энг кўп ўқилган хабарлар | Сўнгги янгиликлар
- Фотосессия саройига айланган амир қабулхонаси. Уни Абдулаҳадхон Россия императорини кутиб олиш учун қурдирган эди
- Кучли ёмғир туфайли Дубайни сув босди, уларни булут экиш ишлари қўзғатган бўлиши мумкин — Bloomberg (1)
- «Давлат ўз функцияларини қурувчи компанияларга юкламаслиги керак». Кўчмас мулк бўйича эксперт — Тошкентни ривожлантириш ҳақида
- Электр ва газ нархи қанчага ошади? Янги тарифлар бўйича ҳисоблаш қандай бўлади? Тушунтирамиз
- Самарқанддаги каналдан икки боланинг жасади топилди
Қўшимча имкониятларга эга булиш учун сайтда рўйхатдан ўтинг