Шанба куни соат 7:16 ларда Ўзбекистоннинг бир қатор ҳудудларида зилзила сезилди. Зилзиланинг эпицентри Тожикистонда бўлган.

ФВВ Сейсмопрогностик мониторинг Республика марказининг маълумотларига кўра, зилзила эпицентрида унинг кучи 6, чуқурлиги эса 15 км бўлган.

Силкиниш кучи Тошкентда (эпицентрдан 307 км узоқликда), Жиззах (294 км), Самарқанд (342 км), Термиз (351 км) ва Қаршида (432 км) 3 баллни ташкил этди.

Фарғона (199 км), Наманган (260 км), Андижон (262 км) ва Гулистон (256 км) да зилзила кучи 3−4 балл, Навоийда (486 км) 2 баллни ташкил этди.