Сўнгги беш кун ичида Канаданинг Британия Колумбияси провинциясида аномал иссиқ об-ҳаво туфайли 500 га яқин одам вафот этди, дея хабар бермоқда РБК CBC канали маълумотларига таяниб.
«Британия Колумбия коронер хизматига камида 486 тўсатдан ўлим ҳақида хабар келиб тушган», — деди провинция коронери Лизу Лапойнт. Унинг фикрича, аксарият ҳолларда одамлар аномал иссиқ об-ҳаво туфайли вафот этган.
Лаппоинт, шунингдек, аввалроқ худди шундай давр мобайнида провинцияда 165 та тўсатдан ўлимни қайд этганини таъкидлади.
CBC телеканалининг хабар беришича, Бернаби шаҳри офицерларига душанбадан бери 25 та ўлим ҳолати ҳақида қўнғироқ қилинган. Расмий ўлим сабаби ҳали аниқланмаган, аммо полиция уларнинг аксарияти об-ҳаво билан боғлиқ деб ҳисобламоқда. Қўшни Суррей графлигида полиция душанба куни 20 та ва сешанба куни эрталабгача 18 та ўлим ҳақидаги хабарни олган.
Шу билан бирга, ҳуқуқни муҳофаза қилиш органлари ходимлари одатда кунига бешта ушбу характердаги қўнғироқларни қабул қилишларини таъкидладилар. Абботсфорд ва Виктория полицияси уларга ҳам одатдагидан кўпроқ қўнғироқлар бўлганини, аммо аниқ рақамларни келтира олмаганлигини маълум қилди.
28 июнь куни Канадада ҳаво ҳарорати рекорд даражада кўтарилган. Литтон қишлоғида ҳаво Цельсий бўйича 47,9 даражагача исиган.
