Президентнинг 3 февралдаги фармонига мувофиқ, кумуш заргарларлик билан шуғулланувчи тадбиркорларга биржа орқали сотила бошланади.
Унга кўра, 2021 йил 1 мартдан бошлаб заргарлик соҳасида кенг имкониятлар яратиш учун «Навоий кон-металлургия комбинати» ДК томонидан кумушни биржа орқали заргарлик буюмларини ишлаб чиқарувчиларга эркин сотиш тартиби жорий этилади.
Қолаверса, бу борада 2021 йилги давлат дастурида норматив-ҳуқуқий ҳужжат ишлаб чиқилиши белгиланган.
Иқтисодий тараққиёт вазирлиги, Навоий КМК, Марказий банк ва бошқалар биржага қўйиладиган кумуш ҳажмлари ва уларнинг бошланғич нархини шакллантириши лозим.
Заргарлик соҳасидаги ишлаб чиқарувчиларга эса кумуш маҳсулотини сотиб олиш учун кенг имкониятлар яратилиши режа қилинган.
