Ўзбекистонлик профессионал боксчи Шаҳрам Ғиёсов (9−0, 7 КО) ўзининг навбатдаги жангини 15 август куни Оклахома (АҚШ) нинг Тулса шаҳрида ўтказади. Дастлаб, даъвогар мексикалик Франсиско Рохо (22−3−0, 15 КО) эди, аммо жангдан бир неча кун олдин ушбу боксчига коронавирус ташхиси қўйилди, дея хабар берди MMABoxing.ru.
Рохонинг ўрнига 28 ёшли никарагуалик Уинстон Кампос (31−7−6, 19 КО) жангга чиқади. У Джош Келли (10−0−1, 6 КО) ва WBA ва IBF йўналиши бўйича ўрта енгил вазн чемпиони Джош Тейлорга (16−0−0, 12 КО) қарши жанглар олиб борган.
Ўрта енгил вазн тоифасида (63,5 кг гача) WBA International титули ҳозича 27 ёшли бухоролик боксчига тегишли. Боксчилар Matchroom Boxing шоусининг андеркард қисмида чиқишади. Шаҳрам Ғиёсовнинг олдинги жанги ўтган йилнинг август ойида бўлиб ўтган ва у биринчи раундда колумбиялик Дарлейс Пересни нокаутга учратган эди.
Исроил Мадримов ва Эрик Уокер. Фото: boxingscene.com.
Шу куни биринчи ўрта дивизионнинг яна бир ўзбекистонлик боксчи Исроил Мадримов (5−0, 5 КО) америкалик Эрик Уокерга (20−2, 9 КО) қарши жанг қилади.
Жангларни 16 август куни Тошкент вақти билан 05:00 да Sport TV орқали жонли томоша қилиш мумкин.
