15 апрель куни Россиянинг «Уральские авиалинии» авиакомпанияси Екатеринбургдан Тошкентга меҳнат муҳожирларини эвакуация қилиш учун махсус рейсни амалга оширди. Бу ҳақда ТАСС авиаташувчи матбуот хизматига таяниб хабар қилди. Борт соат 20:00 да қўнди.
Мазкур рейс Россия ИИВнинг Екатеринбург бўйича бошқармасига қарашли Чет эллик фуқароларни вақтинча сақлаш марказида бўлган Ўзбекистон фуқароларини эвакуация қилиш учун ташкил этилди.
Рейс Ўзбекистоннинг Екатеринбург бўйича Бош консулхонаси, Россия ТИВ, Сверловск вилоят Губернаторлиги ва бошқалар иштирокида ташкил этилди.
