7 апрель куни Forbes журнали дунё бўйлаб 2020 йилнинг энг бой инсонларини эълон қилди.
Маълумотга кўра, биринчи ўринни учинчи йил кетма-кет Амазон асосчиси Жефф Безос эгаллаб келмоқда. Унинг бойлиги 113 миллиард долларга баҳоланмоқда (йил давомида унинг бойлиги 18 миллиард долларга камайган).
Иккинчи ўринда Microsoft асосчиси Билл Гейтс (98 миллиард доллар). Йил давомида унинг бойлиги 1,5 миллиард долларга ошди.
«Louis Vuitton Moët Hennessy» президенти Бернард Арно 76 миллиард доллар билан учинчи ўринга кўтарилди. Berkshire Hathaway бош директори Уоррен Баффет эса тўртинчи ўринга тушиб кетди. Унинг бойлиги 2019 йилга нисбатан 15 миллиард долларга камайиб умумий ҳажмда 67,5 миллиард долларни ташкил этмоқда.
Ўтган йилги рейтинг билан таққослаганда, бошқа ўзгаришлар ҳам рўй берди.
Хусусан, кучли ўнликдан Grupo Carso раҳбари Карлос Слим, Bloomberg LP раҳбари Майкл Блумберг ва Google асосчиларидан бири Ларри Пейж жой олишмади. Улар ўрнига Walmart чакана савдосининг асосчилари бўлган Уолтон оиласининг учта вакили киришди.
Умуман олганда, биринчи ўнталик қуйидагича (миллиард АҚШ долларида):
| Исми | Ёши | Компания | Давлат | Бойлиги | Ўтган йилга нисбатан ўзгариш |
| Жефф Безос | 56 | Amazon | АҚШ | 113 | -18 |
| Билл Гейтс | 64 | Microsoft | АҚШ | 98 | +1,5 |
| Бернар Арно | 71 | LVMH | Франция | 76 | - |
| Уоррен Баффет | 89 | Berkshire Hathaway | АҚШ | 67,5 | -15 |
| Ларри Эллисон | 75 | Oracle | АҚШ | 59 | -3,5 |
| Амансио Ортего | 84 | Zara | Испания | 55,1 | -7,6 |
| Марк Цукерберг | 35 | Facebook | АҚШ | 54,7 | -7,6 |
| Джим Уолтон | 71 | Walmart | АҚШ | 54,6 | +10 |
| Элис Уолтон | 71 | Walmart | АҚШ | 54,4 | +10 |
| Роб Уолтон | 76 | Walmart | АҚШ | 54,1 | +9,8 |
