АҚШнинг Калифорния штати Лос-Анжелес шаҳрида ўтказилган профессионал бокс кечасида ўзбекистонлик Шаҳрам Ғиёсов америкалик Эммануэль Тэйлорга қарши рингга кўтарилди. Бу ҳақда Olamsport хабар берди.
Ўн раундга мўлжалланган жанг тўлиқ давом этди. Шаҳрам кўпчилик кутганидек жангни муддатидан аввал якунлай олмади. Томас Тейлор ҳакамлик қилган жанг якунида Ғиёсов рақибини 99:91, 99:91, 97:93 ҳисобида ғалаба қозониб, мағлубиятсиз ва муросасиз сериясини давом эттирди. Энг муҳими, Шаҳрам Ғиёсов WBA Intercontenintal чемпионлик камарини қўлга киритди.
Маълумот учун, Шаҳрам шу кунгача проф рингда 8 та жанг ўтказиб, уларнинг барчасида ғалаба қозонган (6 та нокаут). Тэйлор эса 26 маротаба рингга кўтарилиб, уларнинг 20 тасида ғалаба қозонган (14 та нокаут). Бугун олтинчи мағлубиятини қарши олди. (1 та нокаут). Фаолиятидаги ягона нокаутини 2017 йилнинг 6 май куни Лукас Маттисдан қабул қилган.
