Ўзбекистоннинг «Қизилқумцемент» ва «Бекободцемент» цемент ишлаб чиқариш корхоналари аҳоли учун цементни арзонлаштирилган нархларда сотишни йўлга қўймоқда, дея хабар қилди «Ўзқурилишматериаллари» компанияси ахборот хизмати.
Цементнинг 1 тоннаси сотилиш жойидан келиб чиққан ҳолда 500 минг сўмгача бўлган нархларда сотиш ташкиллаштирилмоқда. Ҳозирги кунда республиканинг барча йирик шаҳар ва туманларида аҳолига цемент маҳсулотини сотиш савдо жойлари ташкил этилмоқда.
Компания хабарида қайд этилишича, ушбу чора-тадбирлар республика бозорларида спекулятив аралашувларга чек қўйиш мақсадида амалга оширилмоқда.
