Korea Post («Корея почтаси») компанияси «Ўзбекистон почтаси» почта алоқаси объектларини модернизация қилиш лойиҳасини ишлаб чиқди. Мазкур лойиҳа Корея Республикаси миллий почта хизматининг президенти Ким Ки Деок бошчилигидаги делегациясининг Тошкентга ташрифи вақтида тақдим этилди, деб хабар қилинди «Ўзбекистон почтаси» сайтида.
«Ўзбекистон почтаси» бош директори Шуҳрат Атамуҳаммедов билан учрашувда почта операциялари сифатини ошириш, почта логистикаси тизимини яхшилаш, шунингдек, информацион технологиялари ва янги почта хизматлари турларини кенг жорий этиш орқали Ўзбекистон почтасини ривожлантириш қайд этиб ўтилди.
Икки почта операторларининг ҳамкорлик йўналишлари Сеулда апрелда бўлиб ўтган музокараларда белгилаб олинган эди. Августда корейс томони «Ўзбекистон почтаси» почта алоқаси объектларини ўрганиб, шундан сўнг почта соҳасини модернизация қилиш лойиҳасини ишлаб чиқди.
