Бокс бўйича супер оғир вазнда жаҳоннинг собиқ икки карра чемпиони 37 ёшли ўзбекистонлик Руслан Чагаев саломатлигидаги муаммо сабабли карьерасини якунлашини ва рингга бошқа қайтмаслигини расман маълум қилди, дея хабар тарқатди BoxingScene.com нашри. 2001 йилда боксчи чап кўзини операция қилдирган эди.
«Руслан кўришдаги муаммо сабабли карьерасини расман якунлади, — деди Руслан Чагаевнинг собиқ менежери Тимур Дугазаев. — Биз Чагаевга Браун билан реванш жангини ўтказиб, чиройли якунловчи беллашувни таклиф қилдик ва буни ташкиллаштира олар эдик. Аммо у чиқишларни якунлашга қарор қилди, саломатлик муҳимроқ».
Профессионал рингда Андижон вакили жами 38 жанг ўтказиб, уларнинг 34 тасида ғалаба қозонди (21 — нокаут билан), уч бора мағлубиятга учраб, бир жангда дуранг қайд этган.
