Rossiya prezidenti Vladimir Putin Toshkentga kelgach, O‘zbekiston prezidenti Shavkat Mirziyoyev hamrohligida “Yangi O‘zbekiston” bog‘iga tashrif buyurdi.
O‘zbekiston rahbari matbuot xizmati xabariga ko‘ra, Vladimir Putin Mustaqillik monumenti poyiga gul qo‘ydi.
Majmua bo‘ylab qisqa ekskursiya davomida Rossiya prezidentiga ushbu me’moriy ansamblning mazmuni va xususiyatlari haqida ma’lumot berildi.
Shavkat Mirziyoyev Vladimir Putinga Yangi Toshkent va Olimpiya shaharchasi qurilishi loyihasi haqida ham gapirib berdi.
Vladimir Putin davlat tashrifi bilan O‘zbekistonda bo‘lib turibdi. Dushanba kuni asosiy muzokaralar va tadbirlar rejalashtirilgan.
