Moskva yaqinidagi “Krokus siti holl” konsert zalida sodir bo‘lgan teraktda halok bo‘lganlar va yaralanganlarga hamdardlik belgisi sifatida Rossiyaning Toshkentdagi elchixonasiga gullar keltirila boshlandi.
Elchixona oldida gul qo‘yib, sham yoqish mumkin bo‘lgan stol o‘rnatilgan.
22-mart kuni kechqurun qurolli shaxslar “Piknik” guruhi chiqishlari oldidan konsert zalida odamlarga qarata o‘q uzgan. Shu bilan birga, yong‘in boshlangan.
Xodisa oqibatida 115 kishi kasalxonaga yotqizilgani ma’lum, ulardan 5 nafari bolalar. 60 nafar kattalarning ahvoli og‘ir. Kamida 40 kishi vafot etgani xabar qilindi. Ma’lumotlarga aniqlik kiritilmoqda.
