1−3-mart kunlari aksariyat viloyatlarda asosan bulutli ob-havo bo‘lishi kutilmoqda, deya xabar berdi O‘zgidromet xizmati agentligi matbuot xizmati.
Dam olish kunlarida vaqti-vaqti bilan yog‘ingarchilik (yomg‘ir, qor) bo‘ladi, faqat Qoraqalpog‘iston Respublikasi va Xorazm viloyatida yog‘ingarchilik kutilmaydi. Juma kuni kunduzi havo harorati +2…+7, respublika janubida esa g‘ayrioddiy bo‘lsa ham −3…+2 darajadan past bo‘ladi.
Respublika hududi bo‘yicha dam olishi kunlari harorat asosan kechalari −3…+2, kunduz kunlari 0…+5 daraja bo‘ladi. Shamol sharqdan 7−12 m/s tezlikda esadi, 15−18 m/s gacha kuchayishi ham mumkin. Respublika bo‘yicha ba’zi joylarga tuman tushadi. Tog‘li hududlarda vaqti-vaqti bilan qor yog‘adi. Qor ko‘chishi xavfi bor.
Toshkent shahrida juma kuni kechga tomon biroz yog‘ingarchilik bo‘ladi, 2−3-mart kunlari vaqti-vaqti bilan yog‘ingarchilik (yomg‘ir, qor) bo‘ladi. Harorat kechalari −1…+1, kunduz kuni 1-martda +4…+6, 2−3-martda +1…+4 daraja bo‘ladi. Kechasi va ertalab tuman tushishi mumkin. Shamol sharqdan 5−10 m/s tezlikda esdi.
Mart oyining birinchi kunlarida harorat foni bahorning boshlanishi uchun bo‘lgan me’yoriy qiymatlardan 4−6 darajaga past bo‘ladi, bu esa o‘tgan yilga nisbatan deyarli pastdir, bunda mart oyida havo harorati 20−25 darajaga yetgan, deyiladi xabarda.
Ammo keyingi hafta biroz kechikish bilan bo‘lsa ham bahor o‘z ta’sirini o‘tkazadi va havo harorati tez ko‘tarila boshlaydi, deya ta’kidlamoqda sinoptiklar.
