Dam olish kunlari havo harorati kechasi +3…+8 daraja iliq, kunduzi +13…+18 daraja iliq bo‘lishi saqlanib turadi. Bu haqda O‘zgidromet xizmati agentligi xabar bermoqda.
Juma kuni O‘zbekiston bo‘yicha havo biroz bulutli bo‘ladi, ba’zi joylarda o‘zgarib turadi, yog‘ingarchilik kutilmaydi.
Shanba kuniga kelib, kunning ikkinchi yarmida Buxoro va Navoiy viloyatlarida, kechga tomon esa Toshkent, Samarqand, Jizzax va Sirdaryo viloyatlarida yomg‘ir yog‘adi. Respublikaning qolgan hududlarida yog‘ingarchilik kutilmaydi.
Yakshanba kuni O‘zbekiston bo‘ylab yana yog‘ingarchilik kutilmaydi, faqat kechasi va ertalabki soatlarda Farg‘ona vodiysi viloyatlarida va Toshkent viloyatining ba’zi joylarida yomg‘ir yog‘adi.
10−12-noyabr kunlari respublika bo‘yicha ba’zi joylarda shamol 15−20 m/s gacha kuchayishi mumkin.
Tog‘oldi va tog‘li hududlarda 11-noyabr va 12-noyabrda kechga tomon yog‘ingarchilik (yomg‘ir, qor) bo‘ladi, Toshkent viloyatida ba’zi joylarida kuchli bo‘ladi.
Poytaxtda 10-noyabrda yog‘ingarchilik kutilmaydi. 11-noyabrda kechga tomon yomg‘ir yog‘adi. 12-noyabrda kechasi va ertalab yomg‘ir yog‘adi, kunduzi yog‘ingarchilik kutilmaydi. Kunduz kungi harorat +16…+18 daraja iliq, yakshanba kuni esa +13…+15° iliq, kechasi +4…+7 daraja iliq atrofida bo‘ladi.
Sharqiy shamol yo‘nalishini o‘zgartirib g‘arbdan 3−8 m/s tezlikda esadi, 11-noyabrda 12−15 m/s gacha kuchayishi mumkin.
