Prezidentning tegishli qarori bilan Transport vazirligi huzuridagi Transport nazorati inspeksiyasiga Jamshid Abduxamidovich Karimov rahbar etib tayinlandi. Bu haqda Transport vazirligi matbuot xizmati xabar bermoqda.
Jamshid Karimov 2020-yil fevral oyidan beri Ichki ishlar vazirligi Yo‘l harakati xavfsizligi bosh boshqarmasi boshlig‘ining birinchi o‘rinbosari — yo‘l harakati xavfsizligini muvofiqlashtirish boshqarmasi boshlig‘i lavozimida ishlab kelayotgandi.
Undan avval esa Karimov Toshkent IIB YHXB boshlig‘ining birinchi o‘rinbosari — yo‘l-patrul xizmati brigadasi komandiri lavozimida faoliyat yuritgan.
Telegramdan foydalanasizmi? Muhim yangiliklarni o‘tkazib yubormaslik uchun kanalimizga a’zo bo‘ling.
Eslatib o‘tamiz, iyun oyida Temir yo‘llarda yuk va yo‘lovchi tashish xavfsizligini nazorat qilish inspeksiyasi, Yo‘l-qurilish ishlari sifatini nazorat qilish inspeksiyasi va Avtomobil tashuvlarini nazorat qilish inspeksiyasi yagona inspeksiyaga — Transport nazorati inspeksiyasiga aylantirilgan.
