21-oktabr kuni soat 20:00 da O‘rta Chirchiq tumanida oltita avtomobil ishtirokida yo‘l-transport hodisasi sodir bo‘ldi, deb xabar bermoqda Toshkent viloyati IIBB Yo‘l harakati xavfsizligi boshqarmasi matbuot xizmati.
Voqea 4R-22 avtomagistralining 20-kilometrida sodir bo‘lgan. Barcha mashinalar bir yo‘nalishda harakatlangan. To‘qnashuvga yomg‘irli havoda masofani saqlamaslik sabab bo‘lgani aytilmoqda.
Haydovchilarga birinchi tibbiy yordam ko‘rsatilgan, biroq hech kim jiddiy jarohat olmagan, deyiladi xabarda.
