21 октябрь куни соат 20:00 да Ўрта Чирчиқ туманида олтита автомобиль иштирокида йўл-транспорт ҳодисаси содир бўлди, деб хабар бермоқда Тошкент вилояти ИИББ Йўл ҳаракати хавфсизлиги бошқармаси матбуот хизмати.
Воқеа 4Р-22 автомагистралининг 20-километрида содир бўлган. Барча машиналар бир йўналишда ҳаракатланган. Тўқнашувга ёмғирли ҳавода масофани сақламаслик сабаб бўлгани айтилмоқда.
Ҳайдовчиларга биринчи тиббий ёрдам кўрсатилган, бироқ ҳеч ким жиддий жароҳат олмаган, дейилади хабарда.
