15-oktabr kuni kechqurun Qashqadaryo viloyati Muborak tumanida avtobusda gaz balloni portlagani xabar qilingandi. O‘zbekiston Favqulodda vaziyatlar vazirligi 4 kishi o‘rtacha og‘irlikdagi jarohatlar bilan kasalxonaga yotqizilganini ma’lum qilgandi.
Qashqadaryo viloyati Sog‘liqni saqlash boshqarmasi xabariga ko‘ra, Muborak tumani tibbiyot birlashmasiga 15-oktabr kuni soat 17:30 lar atrofida 24 nafar bemor olib kelingan.
Shundan 16 nafariga ambulator yordam ko‘rsatilib, uyiga javob berilgan. 4 nafar bemor turli jarohatlar bilan jarrohlik bo‘limida nazoratda qoldirildi. 4 nafar bemor reanimatsiya bo‘limiga yotqizilib, jarrohlik amaliyoti o‘tkazildi. Vafot etganlar yo‘q.
Vaziyat viloyat sog‘liqni saqlash boshqarmasining qat’iy nazoratiga olingan, deyiladi xabarda.
