15 октябрь куни кечқурун Қашқадарё вилояти Муборак туманида автобусда газ баллони портлагани хабар қилинганди. Ўзбекистон Фавқулодда вазиятлар вазирлиги 4 киши ўртача оғирликдаги жароҳатлар билан касалхонага ётқизилганини маълум қилганди.
Қашқадарё вилояти Соғлиқни сақлаш бошқармаси хабарига кўра, Муборак тумани тиббиёт бирлашмасига 15 октябрь куни соат 17:30 лар атрофида 24 нафар бемор олиб келинган.
Шундан 16 нафарига амбулатор ёрдам кўрсатилиб, уйига жавоб берилган. 4 нафар бемор турли жароҳатлар билан жарроҳлик бўлимида назоратда қолдирилди. 4 нафар бемор реанимация бўлимига ётқизилиб, жарроҳлик амалиёти ўтказилди. Вафот этганлар йўқ.
Вазият вилоят соғлиқни сақлаш бошқармасининг қатъий назоратига олинган, дейилади хабарда.
