sentabr oyida O‘zbekistonda elektromobillar bozori o‘tgan yilning noyabr oyidan beri birinchi marta qisqardi. Shu bilan birga, elektromobillarning birlamchi bozori 2 foizga qisqargan bo‘lsa, ikkilamchi bozor, aksincha, 8,5 foizga oshdi, deya xabar bermoqda Iqtisodiy tadqiqotlar va islohotlar markazi.
Oy davomida yengil elektromobillar savdosi pasayib, 3,6 mingtani tashkil etdi (avgust oyida ko‘rsatkich 3,7 mingdan oshgandi). O‘tgan yilning mos davriga nisbatan elektromobillar bozorining o‘sishi 6 baravarni tashkil etdi. Oy davomida eng kam elektromobil Sirdaryo, Jizzax va Surxondaryo viloyatlarida sotilgan.
2023-yilning III choragi yakunlariga ko‘ra, yengil elektromobillar sotuvi deyarli 10 mingtani tashkil etib, yillik o‘sish 5 barobarga ko‘paydi.
sentabr oyi yakunlariga ko‘ra, barcha avtotransport vositalarining sotuvi avgust oyiga nisbatan 0,1 foizga pasayib, 148 mingtani tashkil etgan, lekin ko‘rsatkich o‘tgan yilning sentabr oyiga nisbatan 20 foizga o‘sgan.
Yengil avtomobillar savdosi
sentabr oyi yakunlariga ko‘ra, barcha avtotransport vositalarining sotuvi avgust oyiga nisbatan 0,1 foizga pasayib, 148 mingtani tashkil etgan, lekin ko‘rsatkich o‘tgan yilning sentabr oyiga nisbatan 18 foizga o‘sgan.
Avgust oyida yengil avtomobillar savdosi 137 mingtani tashkil etib, bir oy davomida atigi 1 foizga oshdi. Eng katta o‘sish Farg‘ona (19 foiz), Namangan (9 foiz) va Xorazm (5 foiz) viloyatlarida kuzatildi. Umuman olganda, yengil avtomobillar savdosi o‘tgan yilning sentabr oyiga nisbatan 18 foizga oshdi.
Choraklik hisobda (2023-yil III chorak) yengil avtomobillar savdosi 26 foizga oshib, 404 mingtaga yetgan.
Birlamchi bozorda yengil avtomobillar savdosi oy davomida 1,4 foizga oshdi. Ko‘rsatkich o‘tgan yilning shu davriga nisbatan 37 foizga o‘sib, 10 mingdan ortiq yengil avtomobillar sotildi. Uchta chorak yakunlari bo‘yicha eng sezilarli o‘sish yengil avtomobillar segmentida qayd etilib, sotuvlar hajmi 68,8 foizga oshdi.
Xorijda ishlab chiqarilgan yangi yengil avtomobillar bozorida esa pasayish kuzatildi, oy davomida sotuvlar 16 foizga pasaydi va 4,6 mingtani tashkil etdi.
Oy davomida ikkilamchi bozor o‘sishni boshladi. Haydalgan yengil avtomobillar savdosi bir oy oldingiga nisbatan 800 taga ko‘payib, 98 mingtadan oshdi. 2023-yil III choragi yakunlariga ko‘ra, ikkilamchi bozorda yengil avtomobillar savdosi 15,5 foizga oshdi.
