11-sentabr kuni Saudiya Arabistoni mezbonlik qilayotgan og‘ir atletika bo‘yicha jahon chempionatida O‘zbekiston terma jamoasi ilk medallarini qo‘lga kiritdi. Bu haqda Milliy olimpiya qo‘mitasi matbuot xizmati xabar bermoqda.

-81 kg vazn toifasida bahs olib borgan Muhammadqodir Toshtemirov dast ko‘tarish mashqida 164 kg natija bilan oltin medalga ega chiqdi.

Siltab ko‘tarishdagi 188 kg unga mazkur yo‘nalishda medal taqdim qilmadi. Ammo u ikki kurash hisobida 352 kg bilan bronza medalini qo‘lga kiritdi.

G‘oliblar:

  1. Oskar Martines (Italiya) — 356 (163+193) kg
  2. Rahmat Abdulloh (Indoneziya) — 354 (145+209) kg
  3. Muhammadqodir Toshtemirov (O‘zbekiston) — 352 (164+188) kg.

Musobaqa 4-sentabrdan beri davom etmoqda, shu kunga qadar musobaqada qatnashgan Sarvarbek Zafarjonov, Adhamjon Ergashev (2019-yilgi jahon chempioni) va Doston Yoqubovlarga medal nasib etmadi.

Telegramdan foydalanasizmi? Muhim yangiliklarni o‘tkazib yubormaslik uchun kanalimizga a’zo bo‘ling.

Turnir davomida yana Sharofiddin Amriddinov, Ruslan Nurudinov (Olimpiya chempioni), Akbar Jo‘rayev (Olimpiya chempioni) va Rustam Jangaboyevlar o‘z kuchini sinab ko‘radi.

Foto