O‘zbekistonda har yili avgust oyining uchinchi yakshanbasi Havo floti kuni sifatida keng nishonlanadi. 19-avgust kuni ushbu kun munosabati bilan Toshkent harbiy okrugiga qarashli “Chirchiq” umumqo‘shin dala-o‘quv poligoni hududidagi markaziy maydonda bayram tadbiri tashkil etildi.
Havo hujumidan mudofaa qo‘shinlari va Harbiy havo kuchlari qo‘mondonligi harbiy xizmatchilari, ularning oiala a’zolari, shuningdek, bu yil aviashou o‘tkazilishi oldindan keng ommaga e’lon qilingani bois turli yoshdagi aviatsiya ixlosmandlari ham to‘plandi.
Aviaparvozlarda jangovar va harbiy-transport samolyotlari hamda vertolyotlar uchuvchilari o‘z mahoratlarini namoyish etdi.
Bundan tashqari, ilk marotaba harbiy uchoqlar tomonidan samoda O‘zbekiston Davlat bayrog‘i tasviri hosil qilindi.
Havo floti kunidan “Gazeta.uz” muxbiri Madina A’zam fotoreportaj tayyorladi.
