Ўзбекистонда ҳар йили август ойининг учинчи якшанбаси Ҳаво флоти куни сифатида кенг нишонланади. 19 август куни ушбу кун муносабати билан Тошкент ҳарбий округига қарашли «Чирчиқ» умумқўшин дала-ўқув полигони ҳудудидаги марказий майдонда байрам тадбири ташкил этилди.
Ҳаво ҳужумидан мудофаа қўшинлари ва Ҳарбий ҳаво кучлари қўмондонлиги ҳарбий хизматчилари, уларнинг оиала аъзолари, шунингдек, бу йил авиашоу ўтказилиши олдиндан кенг оммага эълон қилингани боис турли ёшдаги авиация ихлосмандлари ҳам тўпланди.
Авиапарвозларда жанговар ва ҳарбий-транспорт самолётлари ҳамда вертолётлар учувчилари ўз маҳоратларини намойиш этди.
Бундан ташқари, илк маротаба ҳарбий учоқлар томонидан самода Ўзбекистон Давлат байроғи тасвири ҳосил қилинди.
Ҳаво флоти кунидан «Газета.uz» мухбири Мадина Аъзам фоторепортаж тайёрлади.
