Bayram Perdebayevich Otemuratov Qoraqalpog‘iston Respublikasi Vazirlar Kengashi raisi o‘rinbosari lavozimiga tayinlandi. Bu haqda Jo‘qorg‘i Kenges axborot xizmati xabar berdi.
Otemuratov raisga yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosarlik qiladi.
Bayram Otemuratov 1977-yilda respublikaning Qorao‘zak tumanida tug‘ilgan. Ma’lumoti oliy, 1999-yilda Berdaq nomidagi Qoraqalpoq davlat universitetining matematika yo‘nalishi bo‘yicha bakalavr bosqichini tamomlagan.
Tayinlovga qadar u Ajiniyoz nomidagi Nukus davlat pedagogika instituti rektori bo‘lgan.
Telegramdan foydalanasizmi? Muhim yangiliklarni o‘tkazib yubormaslik uchun kanalimizga a’zo bo‘ling.
Avvalroq xuddi shu lavozimda ishlab kelgan Abatbay Daniyarov Nukus shahrining yangi hokimi etib tayinlangandi.
