Veolia Energy Tashkent kompaniyasi poytaxtdagi issiqlik tarmoqlarida texnik audit o‘tkazilayotganini e’lon qildi.
Tekshiruv davomida issiqlik inshootlarining texnik holati aniqlanadi, issiqlik tarmoqlaridagi kamchiliklar, shuningdek, mavjud tarmoq sxemalari va ularning haqiqiy holati o‘rtasidagi nomuvofiqliklar aniqlanadi.
Texnik audit issiqlik tarmoqlarining uzunligi va joylashuvi bo‘yicha dolzarb ma’lumotlarni olish imkonini beradi, bu bilan, o‘z navbatida, yuqori sifatli gidravlik hisob-kitoblarni amalga oshirish mumkin.
Yangilangan ma’lumotlar shaharning issiqlik ta’minoti sxemasini modernizatsiya qilish va rivojlantirish bo‘yicha investitsiya dasturini optimallashtirish uchun asos bo‘lib xizmat qiladi.
Ishlarni amalga oshirish uchun geografik axborot tizimlari va ilovalaridan foydalangan holda zamonaviy nazorat usullari qo‘llanadi, ular orqali audit ma’lumotlari maxsus ma’lumotlar bazasiga kiritiladi, uni yaratish uchun server uskunalari sotib olingan.
Mavjud sxemalar bo‘yicha issiqlik tarmoqlarining uzunligi 1500 kilometrdan ortiq bo‘lib, hozirgacha shundan 170 kilometri o‘rganib chiqilgan. Ish 2024-yilning martigacha davom etadi.
Veolia Energy Tashkent, shuningdek, audit doirasida texnik xodimlarni yollaydi va o‘qitadi.
