Eronning Qeshm Air aviakompaniyasi Tehron va Toshkent o‘rtasida to‘g‘ridan-to‘g‘ri reyslarni yo‘lga qo‘ymoqda. Bu haqda Uzbekistan Airports xabar qildi.
9-avgust kuni Tehron−Toshkent−Tehron yo‘nalishi bo‘yicha birinchi muntazam yo‘lovchi reysi amalga oshirilishi rejalashtirilgan. Reyslar haftasiga bir marta-chorshanba kunlari Airbus A320 samolyotlarida amalga oshirilishi kutilmoqda.
Qeshm Air — shtab-kvartirasi Tehronda joylashgan Eron aviakompaniyasi bo‘lib, 1993-yilda tashkil etilgan hamda mahalliy va xalqaro yo‘lovchi reyslarini, shuningdek, charter reyslarini amalga oshiradi.
Bundan avval kopmaniya Tehron va Samarqand o‘rtasida to‘g‘ridan-to‘g‘ri reyslarni yo‘lga qo‘ygandi.
