Nukusda 12-iyun kuni 27 yoshli ayol oilasi bilan yashagan uyning 4-qavatidan qulab vafot etdi. Bu haqda “Gazeta.uz” Bosh prokuratura matbuot kotibi Hayot Shamsutdinov ma’lum qildi.
Ayolning jasadini turmush o‘rtog‘i topgan, u ertalab soat 5:40 da uyg‘ongan va yonida xotini yo‘qligini payqagan. Tashqariga chiqib, ayolini oshxona derazasi ostida hushsiz holda ko‘rgan, tez yordam va qarindoshlarini chaqirgan.
Ayol 2017-yilda turmush qurgan, 2018 va 2021-yillarda o‘g‘il va qiz farzandlar ko‘rgan. 2022-yil sentabrda egizak chaqaloqlari kasallikdan vafot etgan, shundan so‘ng, Bosh prokuratura ma’lumotlariga ko‘ra, ayolning ruhiyatida o‘zgarishlar yuz bergan.
O‘lim sababini aniqlash uchun tegishli ekspertiza tayinlangan.
