Futbol bo‘yicha 20 yoshgacha bo‘lgan O‘zbekiston yoshlar terma jamoasi Argentinada o‘tayotgan U-20 jahon chempionatining guruh bosqichidagi uchinchi uchrashuvda Gvatemala ustidan 2:0 hisobida g‘alaba qozondi. Shu tariqa Ravshan Haydarov shogirdlari 4 ochko bilan 2-o‘rinni egallab, 1/8 finalga yo‘l oldi.
Gollarning ikkisi ham birinchi bo‘limda Shahzodbek Ne’matjonov (9 va 21-daqiqalarda) tomonidan kiritildi. 71-daqiqada dubl muallifining o‘rniga maydonga tushgan Nodirbek Abdurazzakov 82-daqiqada hisobni 3:0 ko‘rinishiga keltirdi, ammo gol VAR tizimida ko‘rib chiqilgach bekor qilindi.
Statistikaga ko‘ra, O‘zbekiston 51% to‘pga egalik qildi, Gvatemala darvozasiga 5 ta zarba berildi, ularning 4 tasi aniq bo‘ldi.
Shu tariqa, Yangi Zelandiyadan 5:0 hisobida ustun kelgan Argentiga 9 ochko bilan “A” guruhida 1-o‘rinni egalladi. Gvatemala (0 ochko bilan) guruhda 4-bo‘ldi, Yangi Zelandiya 4 ochko bilan 3-o‘rinni qayd etdi. O‘zbekiston esa 4 ochko bilan 2-o‘rinni band etdi.
1/8 finalni jamoa sardori Umarali Rahmonaliyev sariq kartochkalar soni sabab o‘tkazib yuboradi.
O‘zbekiston U-20 jamoasi 30-may kuni nimchorak finalda “S” guruhida 2-o‘rinni egallagan jamoa bilan maydonga tushadi. Ularning raqibi Yaponiya yoki Isroil bo‘lishi kutilmoqda.
Foto
