Shaxmatchi Nodirbek Abdusattorov Chempionlar turining olti bosqichidan uchinchisi bo‘lgan ChessKid 2023 kubogi chempioni bo‘ldi.
ChessKid haqida
City Chess shaxmat maktabining ma’lum qilishicha, saralash turnirlari natijalariga ko‘ra aniqlangan uch xil divizionda 56 nafar o‘yinchi pley-off bosqichida ishtirok etdi. Birinchi divizionda 8 nafar, ikkinchisida 16 nafar, uchinchisida 32 nafar o‘yinchi bor. Har bir divizionda mukofot puli va seriya ochkolari mavjud.
Nokaut-tizim yuqori va pastki setkalarga bo‘linadi. Bu shuni anglatadiki, yuqori setkadagi yutqazganlar pastki setkada yana g‘alaba qozonish imkoniyatiga ega bo‘ladi. Vaqtni nazorat qilish: 15+3. Birinchi va ikkinchi divizionlarda g‘oliblar guruhida to‘rtta, mag‘lublar guruhida ikkitadan o‘yin o‘tkaziladi.
Birinchi divizionda sakkiz nafar shaxmatchi ishtirok etdi. Ulardan amerikalik Xikaru Nakamura (2775 ochko va FIDE reytingida 5-o‘rin), amerikalik Fabiano Karuana (2764 va 7-o‘rin) va Nodirbek Abdusattorov (2731 va 19-o‘rin) avvalgi turnir yakunlariga ko‘ra taklifnoma oldi. Dunyoning birinchi shaxmatchisi (2853 nafar) musobaqani tark etdi.
Saralashdan o‘tgan boshqa o‘yinchilar: Kirill Shevchenko (2684, 52), Anish Giri (2768, 6), Levon Aronyan (2745, 11), Aliriza Firuzja (2785, 4) va Dmitriy Kollars (2607). Biroq Shevchenko, Giri va Aronyan turnirni tark etishdi va ularning o‘rnini Yorden van Forest (2689, 46), Aleksandr Shimanov (2581, 333) va Jyul Mussar (2644, 101) egalladi.
Abdusattorovning g‘alabasi
18 yoshli Abdusattorov birinchi davrada Jyul Mussarga qarshi uchta o‘yinning ikkitasida osonlik bilan g‘alaba qozondi (2,5:0,5) va bir marta durang o‘ynadi, bu unga yarim finalga chiqish imkonini berdi. Ushbu mini-o‘yinda esa birinchi o‘yindagi muvaffaqiyat hal qiluvchi bo‘lib xizmat qildi.
Abdusattorov Chess.com saytiga bergan intervyusida bunday kuchli turnirda qatnashish imkoniyati o‘zi uchun katta sharaf ekanini va u o‘zining eng yaxshi tomonlarini ko‘rsatishga harakat qilishini aytdi.
Yarim finalda u Fabiano Karuanani mag‘lub etdi, chunki u o‘yinda yaxshiroq harakat qildi, deya qayd etildi Chess.com saytida. Birinchi o‘yindagi nursiz durangdan so‘ng Abdusattorov ikkinchi o‘yinda g‘alaba qozondi. Karuana uchinchi o‘yindayoq o‘zini o‘nglab olgan bo‘lsa, to‘rtinchi o‘yinda Abdusattorov raqib xatosidan keyin katta ustunlikka erishdi. Yakuniy hisob — 2,5:1,5.
Finalda Nodirbek Abdusattorov Yorden van Forestni ortda qoldirdi. Ikkita durangdan so‘ng u mini-o‘yinning uchinchi partiyasida oldinga chiqib oldi. To‘rtinchi bo‘limda o‘zbekistonlik sportchi qo‘pol xatoga yo‘l qo‘ydi, ammo durang natijaga erishdi. Qolgan o‘yinlarda Abdusattorov g‘alaba (2,5:1,5) qozonib, yuqori setka g‘olibi sifatida superfinalga chiqishga muvaffaq bo‘ldi.
Superfinalda o‘zbekistonlik shaxmatchi ikkinchi setkada raqiblarini mag‘lub eta olgan Fabiano Karuana bilan yana to‘qnash keldi. Uchrashuvning birinchi o‘yini jangovar durang bilan yakunlandi. Nodirbek mag‘lub pozitsiyasida turgan bo‘lsa-da, so‘ng jarayonni o‘zgartira oldi.
Ikkinchi o‘yinda Abdusattorov oldinga chiqib olgan bo‘lsa, uchinchi o‘yinda Karuana g‘olib bo‘ldi. Hal qiluvchi to‘rtinchi o‘yinda o‘zbekistonlik sportchi g‘alaba qozondi (2,5:1,5).
ChessKid kubogi fevraldan dekabrgacha davom etadigan, mukofot jamg‘armasi 2 million dollarga teng bo‘lgan eng nufuzli onlayn-turnirlar turkumi bo‘lmish Chempionlar turining 6 bosqichining uchinchisidir. ChessKid`ning o‘zida sovrin jamg‘armasi 235 ming dollarni tashkil etadi va birinchi setkada g‘alaba qozonganlik uchun 30 ming dollar beriladi.
