Alisher Saidabbasovich Sultanov O‘zbekiston prezidentining neft-gaz, kimyo va energetika masalalari bo‘yicha maslahatchisi etib tayinlangan. Bu haqda “Gazeta.uz”ga 19-may kuni Toshkentda ish boshlaydigan uchinchi Xalqaro energetika konferensiyasi dasturidan ma’lum bo‘ldi.
Dasturga ko‘ra, Alisher Sultanov “O‘zbekiston yonilg‘i-energetika kompleksini dinamik geosiyosiy va geoiqtisodiy voqeliklar sharoitida strategik rejalashtirish” panel sessiyasida ishtirok etadi.
U 2019-yilning fevralidan 2022-yilning apreligacha energetika vaziri lavozimida ishlagan. Rasmiy xabarda uning sog‘lig‘i sababli boshqa ishga o‘tgani munosabati bilan bu lavozimni tark etgani aytilgan.
Uning yangi lavozimga tayinlangani haqida e’lon berilmadi. Mart oyida internetda uning prezident maslahatchisi etib tayinlangani haqida xabarlar paydo bo‘lgan, biroq “Gazeta.uz” bu xabar tasdiqlanmagan. O‘zbekiston prezidenti matbuot xizmati saytining prezident Administratsiyasining Ijro etuvchi apparati bo‘limida ham bu haqda hech qanday ma’lumot yo‘q.
Alisher Sultonov (1967-yilda tug‘ilgan) A.F.Mojayskiy nomidagi harbiy-muhandislik institutini tamomlagan (1989). 1996-yilda neft va gaz sanoatida ish boshlagan.
2002−2013-yillarda “Sho‘rtan gaz-kimyo majmuasi” unitar sho‘ba korxonasiga rahbarlik qilgan. 2013−2015-yillarda “O‘zbekneftgaz” AJ Prognozlashtirish, resurslar va investitsiya dasturlari bosh boshqarmasi boshlig‘i — boshqaruv raisining birinchi o‘rinbosari, 2015−2018-yillarda “O‘zbekneftgaz” aksiyadorlik jamiyati boshqaruvi raisi lavozimlarida ishlagan.
2017−2019-yillarda bosh vazir o‘rinbosari — Geologiya, yoqilg‘i-energetika kompleksi, kimyo, neft-kimyo va metallurgiya sanoati masalalari kompleksi rahbari lavozimida ishlagan.
