5-may kuni Toshkentda Qoraqalpog‘istonda sodir bo‘lgan voqealar yuzasidan jinoyat ishi bo‘yicha bo‘lib o‘tgan birinchi sud jarayonida aybdor deb topilgan shaxslarning apellatsiyalarini ko‘rib chiqish boshlandi. Ish O‘zbekiston Oliy sudi Jinoyat ishlari bo‘yicha sudlov hay’ati tomonidan ko‘rilmoqda.
Yozganimizdek, shikoyatlar birinchi instansiya — Qoraqalpog‘iston Respublikasi sudining 31-yanvardagi qarori bilan hukm qilingan 22 kishining 16 nafari nomidan berilgan. Ular jurnalist va huquqshunos Dauletmurat Tajimuratov, Qoraqalpog‘iston Respublikasi IIV Jinoyat qidiruv boshqarmasi sobiq boshlig‘i, marhum Polat Shamshetov, Saipnazar Kalimov, Sultanbek Kaipov, Arsilan Temirxanov, Saidabulla Medetov, Nurlan Sultamuratov, Allabay Tokimbetov, Razbek Bekmuratov, Bayram Seytniyazov, Amirbek Adilbekov, Polat Nurniyazov, Nurlan Nayipov, Baxtiyor Kadirbergenov, Dauletmurat Jiyemuratov i Kaxarman Seytimov. Ularning barchasi turli muddatlarga qamoq jazosiga hukm qilingan.
Bundan tashqari, apellyatsiya sudi ozodlikdan mahrum qilish bilan bog‘liq bo‘lmagan shartli jazoga hukm qilingan va sud zalidan ozod etilgan Lolagul Kallixanova, Azamat Turdanov, Axmet Smetullayev i Azamat Нуратдiновга oid qismda sud hukmi ustidan prokuratura protestini ko‘rib chiqadi.
“Gazeta.uz” muxbirlarining xabar berishicha, sud jarayonida sudlanuvchilarning yaqinlari, 2022-yil 1−2-iyul kunlari Qoraqalpog‘istonda sodir bo‘lgan voqealarni tergov qilish bo‘yicha deputatlik komissiyasi a’zolari, shuningdek, diplomatik korpus vakillari ishtirok etmoqda.
Eslatib o‘tamiz, mart oyi o‘rtalarida sud ayni jinoyat ishi bo‘yicha yana 39 nafar sudlanuvchiga nisbatan hukmni e’lon qilgan edi.
“Gazeta.uz” jarayonni jonli efirda namoyish etmoqda.
