O‘zbekiston prezidenti Shavkat Mirziyoyev 30-aprel kuni oila a’zolari bilan birga Toshkent shahri Mirzo Ulug‘bek tumanidagi 59-referendum uchastkasiga tashrif buyurib, referendumda ovoz berdi. Bu haqda prezident matbuot xizmati ma’lum qildi.
Eslatib o‘tamiz, shu paytga qadar prezident Administratsiyasi rahbari Sardor Umurzakov, Oliy Majlis Senati raisi Tanzila Narbayeva, Oliy sudi raisi Baxtiyor Islomov, Konstitutsiyaviy sudi raisi Mirza-Ulug‘bek Abdusalomov, prezident matbuot xizmati rahbari Sherzod Asadov va qator vazirlar referendum uchastkasida ovoz berish jarayonida qatnashdi.
