Ўзбекистон президенти Шавкат Мирзиёев 30 апрель куни оила аъзолари билан бирга Тошкент шаҳри Мирзо Улуғбек туманидаги 59-референдум участкасига ташриф буюриб, референдумда овоз берди. Бу ҳақда президент матбуот хизмати маълум қилди.
Эслатиб ўтамиз, шу пайтга қадар президент Администрацияси раҳбари Сардор Умурзаков, Олий Мажлис Сенати раиси Танзила Нарбаева, Олий суди раиси Бахтиёр Исломов, Конституциявий суди раиси Мирза-Улуғбек Абдусаломов, президент матбуот хизмати раҳбари Шерзод Асадов ва қатор вазирлар референдум участкасида овоз бериш жараёнида қатнашди.
