23-aprel, yakshanba kuni Mudofaa vazirligiga qarashli harbiy qism va muassasalarda harbiy xizmatga yangi chaqirilgan muddatli askarlarning qasamyod keltirish marosimi o‘tkazildi, deya xabar bermoqda vazirlik matbuot xizmati.
Xususan, Toshkent shahridagi “Vatanga qasamyod” majmuasida o‘tkazilgan marosimda mudofaa vazirining birinchi o‘rinbosari, Qurolli kuchlar bosh shtabi boshlig‘i, general-mayor Shuhrat Xolmuhammedov mudofaa vazirining tabrigini o‘qib eshittirdi.
Shuningdek, vazirlik huzuridagi Jamoatchilik kengashi a’zolari, davlat va jamoat tashkilotlari vakillari, ota-onalar ham o‘zlarining tilaklarini bildirdi.
Asosiy tadbirdan so‘ng, harbiy xizmatchilar tomonidan ko‘rgazmali qo‘l jangi va jangovar chiqishlar, konsert dasturlari namoyish etildi.
Foto
