23 апрель, якшанба куни Мудофаа вазирлигига қарашли ҳарбий қисм ва муассасаларда ҳарбий хизматга янги чақирилган муддатли аскарларнинг қасамёд келтириш маросими ўтказилди, дея хабар бермоқда вазирлик матбуот хизмати.
Хусусан, Тошкент шаҳридаги «Ватанга қасамёд» мажмуасида ўтказилган маросимда мудофаа вазирининг биринчи ўринбосари, Қуролли кучлар бош штаби бошлиғи, генерал-майор Шуҳрат Холмуҳаммедов мудофаа вазирининг табригини ўқиб эшиттирди.
Шунингдек, вазирлик ҳузуридаги Жамоатчилик кенгаши аъзолари, давлат ва жамоат ташкилотлари вакиллари, ота-оналар ҳам ўзларининг тилакларини билдирди.
Асосий тадбирдан сўнг, ҳарбий хизматчилар томонидан кўргазмали қўл жанги ва жанговар чиқишлар, концерт дастурлари намойиш этилди.
Фото
