22 апрель куни Фарғона вилояти Қўқон шаҳрида ЙТҲ оқибатида 5 киши эмас, 2 киши вафот этган, деб хабар бермоқда вилоят Ички ишлар бошқармаси ахборот хизмати.
Ижтимоий тармоқларда бу воқеа сабабли 5 киши вафот этгани айтилган хабар тарқалган, шундан сўнг ҳолат ИИБ томонидан ўрганиб чиқилган.
Маълум бўлишича, шу куни 1998 йилда туғилган А.Т. Gentra автомашинасини шаҳарнинг Туркистон-Пўстиндўз кўчалари кесишган чорраҳада бошқариб келаётган вақтда 1972 йилда туғилган Б.Х. бошқарувидаги Mercedes-Benz 2-даражали йўлдан чиқиб келган, оқибатда ЙТХ содир бўлган.
Воқеа сабабли Mercedes-Benz машинасида бўлган 2 нафар йўловчи оғир жароҳат олиб, вафот этган. Ҳайдовчилар эса жароҳатлари билан шифохонага олиб кетилган.
Ҳолат юзасидан терговга қадар текширув ҳаракатлари олиб борилмоқда.
