16 mart kuni Samarqand xalqaro aeroportida yangi Samarqand terminali ochilishining bir yilligi munosabati bilan ilk aviastoping bo‘lib o‘tdi, deb xabar qildi Uzbekistan Airports matbuot xizmati.
Tadbirda O‘zbekiston va qo‘shni davlatlardan 30 dan ortiq havaskor va professional fotograflar ishtirok etdi. Samarqand spottingining o‘ziga xos xususiyati aviatsiya ixlosmandlariga samolyotlarni tunda «tutib olish» va tongni perronda kutib olish taklifi bo‘ldi.
«Soat 01:30 dan 11:30 ga qadar bir guruh spotterlar hudud bo‘ylab harakatlanib, temir qushlarning tungi parvozlari va qo‘nishlarini suratga olishdi, samolyotlarga xizmat ko‘rsatuvchi yer usti xizmatlari ishini kuzatishdi», — deyiladi xabarda.
Kompaniya 2 aprel kuni Toshkent xalqaro aeroportida uchinchi rasmiy spotting tur bo‘lib o‘tishini ma’lum qildi.
Foto
Arslan Islamov / TashSpotter
