16 март куни Самарқанд халқаро аэропортида янги Самарқанд терминали очилишининг бир йиллиги муносабати билан илк авиастопинг бўлиб ўтди, деб хабар қилди Uzbekistan Airports матбуот хизмати.
Тадбирда Ўзбекистон ва қўшни давлатлардан 30 дан ортиқ ҳаваскор ва профессионал фотографлар иштирок этди. Самарқанд споттингининг ўзига хос хусусияти авиация ихлосмандларига самолётларни тунда «тутиб олиш» ва тонгни перронда кутиб олиш таклифи бўлди.
«Соат 01:30 дан 11:30 га қадар бир гуруҳ споттерлар ҳудуд бўйлаб ҳаракатланиб, темир қушларнинг тунги парвозлари ва қўнишларини суратга олишди, самолётларга хизмат кўрсатувчи ер усти хизматлари ишини кузатишди», — дейилади хабарда.
Компания 2 апрель куни Тошкент халқаро аэропортида учинчи расмий споттинг тур бўлиб ўтишини маълум қилди.
Фото
Арслан Исламов / TashSpotter
