4 fevral kuni Qoraqalpog‘istonning «Jasliq» posyolka fuqarolar yig‘ini (PFY)da Nexia-3 va Mersedes-Benz yuk mashinasi tuqnashdi. Bu haqda Qoraqalpog‘iston Respublikasi Ichki ishlar vazirligi ma’lumot berdi.
Ma’lumotlarga qaraganda, Nexia-3 haydovchisi A-380 «G‘uzor- Buxoro- Nukus- Beyneu» avtomobil yo‘li bilan Qo‘ng‘irot tumani «Jasliq» PFY markazidan Qo‘ng‘irot tumani yo‘nalishi bo‘ylab harakatlanib kelgan. Shu yo‘lning 960 — 961-kilometriga kelganda avtotransport boshqaruvini yo‘qotgan.
Oqibatda qarama-qarshi yo‘nalishda harakatlanib ketayotgan Mersedes-Benz yuk mashinasi bilan to‘qnashib ketgan. Kruz.uz saytining ma’lumot berishicha hodisa sabab 5 kishi vafot yetgan. Ularning ikkitasi erkak uchtasi esa ayol kishi bo‘lgan. Ularning hammasi «Jasliq» posyolkasida yashagan.
Holat yuzasidan hozirda Qoraqalpog‘iston Respublikasi IIV qoshidagi Tergov boshqarmasi tomonidan Jinoyat kodeksining 266- moddasi 3-bo‘lim «a» (odamlar o‘limiga sabab bo‘lgan transport vositalari harakati yoki ulardan foydalanish xavfsizligi qoidalarini buzish) bandi bilan jinoyat ishi qo‘zg‘atilib, tergov harakatlari olib borilmoqda.
