Chorshanba kuni Surxondaryo viloyatining 13 ta tumanida o‘tkazilgan xalq deputatlari kengashlarining navbatdan tashqari sessiyalarilarda yangi hokimlar tasdiqlandi.
11 ta tumanda respublika darajasidagi tashkilotlar hamda Toshkent shahrida faoliyat ko‘rsatayotgan xodimlar hokim etib tasdiqlangan bo‘lsa, 2 ta tumanda rotatsion tarzda tayinlandi.
Davozimdan ozod qilish va yangi hokimlar tasdiqlash masalalari ko‘rib chiqilgan majlislarda Surxondaryo hokimi v. b. Ulug‘bek Kosimov (Toshkent shahrining sobiq prokurori, dekabrda ushbu lavozimga tayinlangan) va O‘zbekiston prezidenti Administratsiyasi vakillari ishtirok etdilar.
Sessiya ishlarida so‘zga chiqqan faollar mahalliy hokimlar Davlat rahbarining talabi bilan aytganda bugungi kunning zamonaviy fikrlovchi, odamlarni rozi qilish harakati bilan yashovchi, hududda ijtimoiy-iqtisodiy sohalarda olib borilayotgan islohotlarning amalga oshirilishini ta’minlaydigan kadrlar bo‘lishi kerakligini ta’kidlashdi.
Tayinlovlar
Angor tumani — Qosim Esonovich Mardonov
2020 yildan Vazirlar Mahkamasi Hududlarni kompleks rivojlantirish, kommunikatsiyalar, qurilish va uy-joy kommunal xo‘jaligi masalalari kotibiyatining Qashqadaryo va Farg‘ona viloyatlari bo‘yicha bosh mutaxassisi lavozimida ishlab kelgan. Avvalgi hokim: Shohjaxon Bekmuratovich Abdullayev.
Bandixon tumani — Abdumalik Abduqodirovich Allamuradov
2022 yildan buyon Denov tumani hokimi lavozimida ishlab kelayotgan edi. Avvalgi hokim: O‘tkir Abduzoirovich Choriyev.
Boysun tumani — Shukurov Boxadir Shoturayevich
2022 yildan Vazirlar Mahkamasi Ekologik nazorat departamenti mudiri lavozimida ishlab kelgan. Avvalgi hokim: Asqarali Choriyevich Jurayev.
Denov tumani — Ilhom Ibrohimovich Abrorov
2020 yildan Bandlik va mehnat munosabatlari vazirligida boshqarma boshlig‘i lavozimida ishlab kelgan. Oldingi hokim: Abdumalik Abduqodirovich Allamuradov.
Jarqo‘rg‘on tumani — Elmurod Ro‘zimurodovich Avazov
2022 yildan Iqtisodiy rivojlanish va kambag‘allikni qisqartirish vazirligi Savdo va xizmat ko‘rsatish infratuzilmasini rivojlantirish boshqarmasi boshlig‘i lavozimida ishlab kelgan. Avvalgi hokim: Bahodir Abdiqayum o‘g‘li O‘rakov.
Qiziriq tumani — Sherzod Abdimuratovich Rajabov
2021 yildan Alkogol va tamaki bozorini tartibga solish hamda vinochilikni rivojlantirish agentligi direktorining o‘rinbosari lavozimida faoliyat yuritgan. Oldingi hokim: Rustam Ubodullayevich Pardayev.
Muzrobod tumani — Abdurashid Xudayarovich Ismailov
2022 yildan Muzrobod tumani hokimining moliya-iqtisodiy masalalar va kambag‘allikni qisqartirish bo‘yicha birinchi o‘rinbosari. Avvalgi hokim: Abdurashid Xudayarovich Ismoilov.
Oltinsoy tumani — Baxrom Omonovich Maxmatrayemov
2021 yildan Kinematografiya agentligi bosh direktori o‘rinbosari lavozimida faoliyat yuritgan. Oldingi hokim: Alisher Turabovich Djumayev.
Sariosiyo tumani — Abduqodir Xaydarovich Donayev
2022 yildan Toshkent shahar Yashnobod tumani prokurori. Oldingi hokim: Abdisalom Pardayevich Xo‘jaqulov.
Termiz tumani — Nazarov Shuhrat Xudayberdiyevich
2022 yildan buyon Toshkent viloyati Chirchiq shahar davlat soliq inspeksiyasi boshlig‘i. Avvalgi hokim: Shuhratjon Bekmaxmatovich Urinov.
Uzun tumani — Xabibulla Sherdanaqulovich Bozorov
2022 yildan Toshkent shahar IIBB Jamoat tartibini saqlash boshqarmasi boshlig‘ining o‘rinbosari lavozimida faoliyat yuritgan. Avvalgi hokim: Bahrom Boboxonovich Tursunov.
Sherobod tumani — Zaynobiddin Jalolitdinovich Xalilov
2022 yildan Hisob palatasida bo‘lim mudiri lavozimida ishlab kelgan. Oldingi hokim: Ziyadulla O‘roqovich Davlatov.
Sho‘rchi tumani — Ulug‘bek Xurramovich Zokirov
2022 yildan buyon Markaziy bank departamenti direktori o‘rinbosari lavozimida ishlab kelgan. Avvalgi hokim: Baxtiyor Xaitovich Xudoyberganov.
