13 noyabr kuni Surxondaryo viloyatining Tojikiston bilan chegaradagi «Sariosiyo» chegara bojxona postidan fransiyalik fuqaro 4 dona quritilgan ko‘knori boshog‘ini olib o‘tmoqchi bo‘ldi. Bu haqda viloyat bojxona boshqarmasi matbuot xizmati «Gazeta.uz»ga ma’lum qildi.
Qayd etilishicha, uning xatti-harakatlari bojxonachilar e’tiborini tortgan va belgilangan tartibda bojxona nazoratidan o‘tkazilgan.
Yakunda uning yuklari orasida 4 dona quritilgan ko‘knori boshog‘i borligi aniqlandi. Giyohvand moddaning vazni 22,64 grammga teng.
Hozirda mazkur holat yuzasidan tergovga qadar tekshiruv harakatlari olib borilmoqda, deyiladi xabarda.
