2022/2023 o‘quv yilidan Qoraqalpog‘iston, viloyatlar va Toshkent shahrida tajriba-sinov tariqasida OTMning barcha tibbiyot yo‘nalishida o‘qiyotgan bitiruvchi kurslarga mutaxassisliklari bo‘yicha to‘liq stavkagacha ishlashga ruxsat beriladi.
Bu haqda hukumatning 3 oktabrdagi «Davlat tibbiyot muassasalarini kadrlar bilan ta’minlash tizimini takomillashtirish to‘g‘risida»gi [561-sonli] qarori qabul qilindi, deya xabar berdi Adliya vazirligi.
Bunda barcha tibbiyot va OTMlarning «Davolash ishi», «Pediatriya ishi» va «Tibbiy-profilaktika ishi» yo‘nalishlari bitiruvchi kurslari to‘liq stavkagacha oilaviy shifokor, tez tibbiy yordam shifokori va sanitariya bo‘limlarida shifokor sifatida ishlashi mumkin bo‘ladi.
Shuningdek, barcha tibbiyot OTMlar, respublika ixtisoslashtirilgan ilmiy-amaliy tibbiyot markazlari va Tibbiyot xodimlarining kasbiy malakasini rivojlantirish markazining magistratura va klinik ordinatura bitiruvchilari mutaxassisliklari bo‘yicha to‘liq stavkagacha ishlay oladi.
«Davolash ishi», «Pediatriya ishi» va «Tibbiy-profilaktika ishi» yo‘nalishlari bo‘yicha barcha bosqich talabalari fanlar va amaliy mashg‘ulotlarning nazariy qismini masofaviy o‘zlashtiradi.
Sog‘liqlni saqlash vazirligi shifokorlarga bo‘lgan ehtiyojni aniqlaydi va birinchi bosqichda 2022 yil 1 oktabrdan Surxondaryo viloyatida, ikkinchi bosqichda esa 1 noyabrdan barcha hududlarda talabalarni vakant o‘rinlarga ishga joylashtiradi.
