11 noyabr kuni Germaniyaning Bavariya federal yeri bosh vaziri Markus Zyoder o‘z Instagram sahifasiga O‘zbekiston hukumati rahbari Abdulla Aripov bilan tushgan suratini joylashtirdi.
«Markaziy Osiyodan Bavariyaga xalqaro tashrif: O‘zbekiston bosh vaziri va „Bavariya“ klubi muxlisi Abdulla Aripov bilan suhbat… O‘zbekiston ishonchli xalqaro hamkor va Afg‘onistondan evakuatsiya qilishda Bundesverni qo‘llab-quvvatlagan», — deyiladi surat ostiga qoldirilgan izohda.
Chapdan o‘ngga: Manfred Grundke, Katrina Klaas- Myulxoyzer va Abdulla Aripov.
9 noyabr kuni Frankfurtda Germaniya Iqtisodiyotining Sharqiy qo‘mitasi tomonidan tashkil etilgan O‘zbekiston bosh vaziri «Diqqat markazida — Markaziy Osiyo. Iqtisodiyot haqida suhbat «xalqaro anjumanida nutq so‘zladi.
Abdulla Aripova nafaqat O‘zbekiston haqida gapirdi, balki butun Markaziy Osiyo mintaqasiga e’tibor qaratishga harakat qildi. Uning so‘zlariga ko‘ra, «Markaziy Osiyoda yangi siyosiy muhit shakllandi, davlatlararo aloqalar faollashdi, tijorat o‘smoqda, qo‘shma infratuzilma loyihalari amalga oshirilmoqda».
O‘zbekiston hukumati rahbari Markaziy Osiyo Xitoy va Yevropa o‘rtasidagi shunchaki tranzit yo‘lagidan ko‘ra ko‘proq narsani xohlashini, jahon bozoriga to‘laqonli qo‘shilishga intilayotganini ta’kidladi.
Hukumat delegatsiyasi tarkibidan Innovatsion rivojlanish vaziri Ibrohim Abdurahmonov, Investitsiyalar va tashqi savdo vaziri o‘rinbosari Shuhrat Vafoyev ham bor.
Eslatib o‘tamiz, prezident Shavkat Mirziyoyev inauguratsiya marosimidagi nutqida barcha sohalarda Germaniya tajribasini joriy etish mo‘ljallanayotgani, shu maqsadda bosh vazir Abdulla Aripov boshchiligidagi delegatsiyani Germaniyaga jo‘natish rejalashtirilayotganini ma’lum qilgan edi.
«Bavariya» — Myunxenning professional futbol klubi. 1900 yilda tashkil etilgan. Germaniyadagi eng nomdor va dunyodagi eng nomdor klublardan biri. «Bavariya» FIFAning XX asrning eng yaxshi futbol klublari ro‘yxatida 3-o‘rinni, Kicker jurnali talqini bo‘yicha esa 2-o‘rinni egalladi.
