29 iyun kuni prezident Shavkat Mirziyoyev va Turkmaniston prezidenti Gurbanguli Berdimuhamedovning telefon orqali muloqoti bo‘lib o‘tdi, deya xabar bermoqda davlat rahbari matbuot xizmati.
Shavkat Mirziyoyev Gurbanguli Berdimuhamedovni tavallud kuni bilan samimiy tabrikladi.
Suhbatda o‘zaro savdo hajmini oshirish, sanoat, energetika, qishloq xo‘jaligi, transport va boshqa tarmoqlarda kooperatsiyani kengaytirish, madaniy-gumanitar almashinuvni faollashtirish masalalari muhokama qilindi.
Davlat rahbarlari Turkmanistonda Markaziy Osiyo davlatlari rahbarlarining navbatdagi Maslahat uchrashuvini tashkil etish masalalariga to‘xtaldilar.
Shu bilan birga, prezidentlar Afg‘onistondagi, jumladan, ushbu mamlakat shimoliy chegaraoldi hududlaridagi harbiy-siyosiy vaziyatning rivojlanishini muhokama qildilar.
