“Qashshoqlikka qarshi kurash: Xitoy tajribasi va hissasi” nomli Oq kitobi nashr etildi
XXR Davlat kengashi matbuot xizmati 6 aprel kuni “Qashshoqlikka qarshi kurash: Xitoy tajribasi va hissasi” Oq kitobini nashr etdi. Kitob mamlakatning mutlaq qashshoqlikni yo‘q qilishdagi “buyuk yo‘lini” namoyish etish, Xitoyning qashshoqlikni kamaytirish sohasidagi yondashuvlari, usullari, amaliyoti va tajribasi bilan tanishtirish maqsadida nashr etildi. Oq kitob kirish, xulosa va beshta bobdan iborat:
- Xitoy Kommunistik partiyasiga tantanali va’da
- Yangi davrda qashshoqlikka qarshi qizg‘in kurashda to‘liq g‘alaba
- Muhtojlarga manzilli yordam ko‘rsatish strategiyasi
- Qashshoqlikni kamaytirishning yangi usullarini o‘rganish
- Birgalikda rivojlanish va qashshoqlikning yo‘qligi bilan ajralib turadigan insoniyatning umumiy taqdiri jamiyatini birgalikda yaratish
Xitoyda dunyo aholisining deyarli beshdan bir qismi yashaydi. XXRda mutlaq qashshoqlikni butunlay yo‘q qilish nafaqat Xitoy millati tarixida, balki sivilizatsiya tarixida ham muhim voqea hisoblanadi. — Rossiya-Kitay: glavnoye. (Kitob (ingliz tilida)).
Madriddagi namoyishlarda jabrlanganlar soni 35 kishiga yetdi
Madriddagi o‘ng qanot VOX partiyasi mitingi paytida yuzaga kelgan to‘qnashuvda jarohat olganlar soni 35 kishiga yetdi, to‘rt nafari hibsga olingan, deya keltiradi RIA Novosti Madrid favqulodda xizmatining so‘zlarini. 7 aprel kuni kechqurun VOX mitingi bo‘lib o‘tgan Madridning Puente de Valekas tumanida ularga qarshi namoyishlar uyushtirgan chap qanotlilar va politsiya o‘rtasida to‘qnashuv sodir bo‘ldi. Ko‘pchiligi antifashistlar bo‘lgan chap qanot radikallari VOX partiyasi rahbarlari va politsiyaga toshlar, shisha idishlar otishdi, axlat qutilarini ag‘darishdi va to‘siqlar o‘rnatishdi. Politsiya maxsus tayoqlar va rezina o‘qlaridan foydalangan. VOX aksiyasida 350 kishi, o‘ta chap qanotlarning harakatida esa 500 kishi qatnashdi, deya xabar beradi Milliy politsiya “RIA Novosti"ga. To‘rt kishi hibsga olingan, ularning uch nafari voyaga yetmaganlar (shu jumladan bir qiz). 21 politsiya xodimi jarohat oldi, ulardan 10 nafari kasalxonaga yotqizildi. Umuman olganda 35 kishi jarohat oldi. — RIA Novosti.
Mozambikda qurollangan shaxslar 12 nafar chet el fuqarosini o‘ldirdi
Mozambikda jangarilar 12 nafar chet el fuqarosining boshini tanasidan judo qilishdi, qurbonlarning fuqaroligi to‘g‘risidagi ma’lumotlar hozircha mavjud emas, deb xabar bermoqda Times nashri mahalliy politsiyaga tayanib. Politsiya rahbari nashrga aytganidek, o‘liklarning jasadlari Palma shahridagi mart oyi oxirida jangarilar hujum qilgan mehmonxona yaqinidan topilgan. “Ular jami 12 nafar, barchasi chet elliklar, ularning qaysi millatga mansubligini bilmayman, ammo ularning hammasi oq tanli… Ular boshlaridan judo qilingan, qo‘llari bog‘langan”, dedi politsiya vakili. — Times.
AQSH “Shimoliy oqim 2” ga qarshi ikkita sanksiyalar paketini tasdiqladi
AQSH Adliya vazirligi “Shimoliy oqim 2” (Nord Stream 2) gaz quvuriga qarshi ikkita sanksiyalar paketini ma’qulladi, ammo ular bo‘yicha yakuniy qaror hali qabul qilinmadi. Vazirlik tomonidan tasdiqlangan qora ro‘yxatlar loyiha operatori — Shveysariyaning Nord Stream 2 AG kompaniyasi va uning rahbari Matias Varnigga ta’sir qiladi. Nord Stream 2 sanksiyalar paketlari may oyida Kongressga taqdim etiladi. Yakuniy qarorni prezident Jo Bayden qabul qiladi. Sanksiyalar bo‘yicha yakuniy ro‘yxat hali aniq emas. Oldinroq Oq uyda “Shimoliy oqim 2” qurilishini to‘xtatish to‘g‘risida muzokaralar olib boradigan AQSHning maxsus vakilini tayinlash masalasi muhokama qilingan. — Politico.
“Shimoliy oqim 2” loyihasi Rossiyadan Germaniyaga Boltiq dengizi orqali quvurlarda gaz yetkazib berishga mo‘ljallangan.
AQSH koronavirus kelib chiqishini aniqlashga xalaqit bermoqda — XXR
AQSH va ushbu masalani siyosiylashtiradigan ba’zi boshqa mamlakatlar koronavirus kelib chiqishini aniqlashga xalaqit berishmoqda, dedi Xitoy Tashqi ishlar vazirligi vakili Chjao Litszyan. “Juda to‘g‘ri, siyosiy omillar haqiqatan ham kelib chiqishining aniqlanishiga xalaqit beradi. Ammo Xitoydan emas, balki AQSH va boshqa ayrim mamlakatlardan. Ular pandemiya manbasini topish masalasini qat’iy ravishda siyosiylashtirmoqda, Xitoyning Jahon sog‘liqni saqlash tashkiloti bilan hamkorligiga xalaqit berishmoqda”, dedi vakil. Chjao Litszyan AQSHning o‘zi dunyo bo‘ylab ko‘plab biologik laboratoriyalarga ega ekanligiga va u yerda nima bo‘layotgani noma’lumligiga e’tibor qaratdi. “AQSH birgina Ukrainada 16 ta biologik laboratoriyani ochdi. Nima uchun AQSH dunyo bo‘ylab juda ko‘p laboratoriyalarni ochishi kerak edi? Nega AQSH Biologik qurollar to‘g‘risidagi konvensiyani tekshirish mexanizmiga qarshi chiqmoqda?” deya ta’kidladi Chjao Litszyan.
Joriy yilning boshida JSST mutaxassislari pandemiya manbasini aniqlash uchun COVID-19 birinchi bo‘lib aniqlangan Uxanga yo‘l olishdi. Safar yakunida olimlar ushbu masala hali ham ochiqligini aytishdi. Ehtimol, COVID-19 vositachi orqali inson tanasiga kirgan, deb qaror qildi olimlar. Koronavirus tarqalishiga sabab bo‘lishi mumkin bo‘lgan hodisaning Xitoydagi laboratoriyadagi versiyasini mutaxassislar “juda past ehtimolga ega” deb atashdi. — Interfaks.
